போலீசார் விரைந்து வந்து சந்தோஷ்குமாரின் உடலை மீட்டு விசாரணை மேற்கொண்டனர். சந்தோஷ் குமார் தற்கொலை செய்வதற்கு முன்பு எழுதிய கடிதம் போலீசாரிடம் சிக்கியது. அதில் மத்திய அரசு தனி தெலுங்கானா மாநிலம் அமைக்க காலம் கடத்துவதால் தூக்கு போட்டு தற்கொலை செய்கிறேன் என்று எழுதப்பட்டு இருந்தது.
அங்கு மாணவர்கள் உள்பட ஏராளமானவர்கள் திரண்டு அஞ்சலி செலுத்தினார்கள். பின்னர் சந்தோஷ்குமாரின் உடலை அவரது தந்தை சொந்த ஊருக்கு எடுத்துச் சென்றார். இந்த நிலையில் தனி தெலுங்கானா கோரிக்கையை வலியுறுத்தி உஸ்மானியா பல்கலைக்கழக மாணவர்கள் திடீர் ஆர்ப்பாட்டத்தில் ஈடுபட்டனர்.
மாணவர்கள் மீது தடியடி நடத்தியதற்கு கண்டனம் தெரிவித்து தெலுங்கானா தனி மாநில கோரிக்கைக்காக ஏற்படுத்தப்பட்ட அரசியல் கூட்டு நடவடிக்கை குழு தலைவர் கோதண்டராம் இன்று முழு அடைப்புக்கு அழைப்பு விடுத்தார்.
இதையடுத்து இன்று தெலுங்கானா பகுதியை சேர்ந்த 10 மாவட்டங்களில் முழு அடைப்பு போராட்டம் நடந்தது. அனைத்து பள்ளிகள் மற்றும் கல்லூரிகள் மூடப்பட்டுள்ளன. அசம்பாவிதம் ஏற்படாமல் தடுக்க அனைத்து இடங்களிலும் போலீஸ் பாதுகாப்பு பலப்படுத்தப்பட்டுள்ளது.
கருத்துகள் இல்லை:
கருத்துரையிடுக