இந்த வழக்கில் தீர்ப்பளித்த சென்னை உயர்நீதிமன்றம், வஃக்பு வாரியத்திற்கு நாடாளுமன்ற மற்றும் சட்டமன்ற உறுப் பினர் பிரதிநிதிகளை நியமன முறையில் அறிவிப்பு செய்வது செல்லாது என்றும், தேர்தல் மூலம் தேர்ந்தெடுக்கப்பட வேண்டும் என்றும் தீர்ப்பளித் தது.
இதனைத் தொடர்ந்து தமிழ்நாடு வக்ஃபு வாரியத்திற்கு எம்.பி., எம்.எல்.ஏ. பிரதி நிதிகளை தேர்வு செய்ய தேர்தல் அறிவிப்பு வெளி யிடப்பட்டது.
எம்.பி. பிரதிநிதிகளாக எம்.அப்துல் ரஹ்மான், ஜே.எம். ஆரூண் ஆகியோரும், எம்.எல். ஏ.க்களில் முஹம்மது ஜான், அஸ்லம் பாஷா ஆகியோரும் மனு தாக்கல் செய்திருந்தனர். இதனால் போட்டியின்றி இவர் கள் நால்வரும் தேர்வு செய்யப் பட்டனர்.
எம். அப்துல் ரஹ்மான் எம்.பி. தேர்வு செய்யப்பட்டதற்கான சான்றிதழை இன்று தலைமைச் செயலகத்தில் பிற்படுத்தப்பட் டோர், மிகவும் பிற்படுத்தப்பட் டோர் மற்றும் சிறுபான்மையினர் நலத்துறை முதன்மைச் செய லாளரும், தேர்தல் அதிகாரியு மான முனைவர் அருள்மொழி யிடமிருந்து பெற்றுக் கொண் டார். அப்போது இந்திய யூனி யன் முஸ்லிம் லீக் தமிழ்நாடு மாநில பொதுச் செயலாளர் கே.ஏ.எம். முஹம்மது அபூபக்கர், மாநிலச் செயலாளர் திருப்பூர் எம்.ஏ. சத்தார் ஆகியோர் உடன் இருந்தனர்.
தேர்வு செய்யப்பட்ட சான்றி தழுடன் இந்திய யூனியன் முஸ்லிம் லீக் தேசியத் தலைமையகமான காயிதெ மில்லத் மன்ஸில் வருகை தந்த எம். அப்துல் ரஹ்மான் எம்.பி., தேர்வு சான்றிதழை தலைவர் பேராசிரியர் கே.எம். காதர் மொகிதீனிடம் அளித்து வாழ்த்து பெற்றார். அப்போது மாநில பொதுச்செயலாளர் கே.ஏ.எம். முஹம்மது அபூபக்கர், மாநிலச் செயலாளர்கள் காயல் மகபூப், திருப்பூர் எம்.ஏ. சத்தார், வடசென்னை மாவட்ட இ.யூ. மாவட்ட அமைப்புச்செயலாளர் பிலால் ஹுசைன், கொடிக்கால் ஷேக் அப்துல்லா, சென்னை வாழ் முத்துப்பேட்டை ஜமாஅத் செயலாளர் ஜாபர் அலி, அதிராம்பட்டினம் ஜமாஅத் தலைவர் ஷேக் நஸ்ருதீன், அமைந்தகரை சாதிக், பத்திரிகையாளர்கள் அலி, கண்ணன் உள்ளிட்டோர் உடன் இருந்தனர்.
தலைவர் தேர்தல்
தமிழ்நாடு வக்ஃபு வாரிய முதல் கூட்டம் வரும் 10-ம் தேதி புதன்கிழமை காலை 10 மணிக்கு தமிழ்நாடு வக்ஃபு வாரியத்தில் நடைபெறுகிறது. அப்போது தலைவர் பதவிக் கான தேர்தல் நடைபெறும் என்று வாரிய முதன்மை நிர்வாக அலுவலர் அப்துல் ராஸிக் அறிவித் துள்ளார்.
