டில்லி விமான நிலையம், சர்வதேச அளவில், அழகு மற்றும் வடிவமைப்பிற்காக, இரண்டாம் இடம் பெறுகிறது. டில்லியில் இருந்து, உள்நாட்டில் பல்வேறு இடங்களுக்கு செல்ல, விமான நிலைய பாதுகாப்பு கவுன்டரில், முறைப்படி பாதுகாப்பு சோதனை செய்து கொள்ள வேண்டும். இதற்கு தற்போது, இரண்டு, மூன்று நிமிடங்கள் ஆகிறது. டில்லிக்கு தொடர்ந்து பாதுகாப்பு அச்சுறுத்தல்கள் இருக்கின்றன. இதன் காரணமாக, அமெரிக்கா, ஐரோப்பாவில் உள்ளது போன்று, விமான பயணிகளிடம் கடும் பாதுகாப்பு சோதனைகளை மேற்கொள்ள சிவில் விமான போக்குவரத்து அமைப்பு முடிவு செய்துள்ளது. இதற்காக, நவீன வசதி படைத்த, மெட்டல் டிடெக்டர்கள் டில்லி விமான நிலையத்தில் அனைத்து கவுன்டர்களிலும் அமைக்கப்படுகிறது.இந்த மெட்டல் டிடெக்டர்கள் வருவதற்கு, இன்னும் சில வாரங்கள் ஆகும்.
இச் சோதனைக்கே, குறைந்தது இரண்டு அல்லது மூன்று நிமிடங்கள் ஆகின்றன.புதிய முறை அமல்படுத்தப்பட்டால், பயணிகள் ஒவ்வொருவரும், தாங்கள் அணிந்து இருக்கும், ஷூக்கள் மற்றும், பெல்ட், நகைகள் உட்பட மெட்டல் சம்பந்தப்பட்ட ஆடைகளோ, ஆபரணங்களோ அணிந்து இருந்தால் அவற்றை கழற்றி, டிரேயில் வைத்து மெட்டல் டிடெக்டர் சோதனைக்கு உட்படுத்த வேண்டும்.இது அமலுக்கு வந்ததும், ஒவ்வொரு பயணிக்கும், சோதனை முடித்து வெளியே வர, ஐந்து முதல் ஏழு நிமிடங்கள் வரை ஆகும். மெட்டல் சம்பந்தப்பட்ட எதை வைத்திருந்தாலும், மெட்டல் டிடெக்டரை தாண்டி பயணி செல்ல முடியாது. அந்த அளவுக்கு, பாதுகாப்பு சோதனை கடுமையாக்கப்படுகிறது. சமீபத்தில், டில்லி விமான நிலையம் டெர்மினல்-1டி யில், புதிய முறை சோதித்து பார்க்கப்பட்டது.
கருத்துகள் இல்லை:
கருத்துரையிடுக