இந்நிலையில், மத்திய வெளியுறவு விவகார துறை இணை மந்திரி ஈ. அகமது நிருபர்களிடம் கூறும்போது, சவூதி அரேபியாவில் நடைமுறைப்படுத்தப்பட்டு உள்ள நிடாகட் எனப்படும் புதிய தொழிலாளர் கொள்கையால் அங்கு தங்கி பணிபுரியும் இந்திய நாட்டவர்களுக்கு பாதிப்பு ஏற்படாது. புதிய கொள்கையால் அடுத்த இரு மாதங்களுக்கு தொழிலாளர்களுக்கு எவ்வித பாதிப்பும் இல்லை. சவூதி அரேபிய அதிகாரிகள் அதற்கான உத்தரவாதத்தை அளித்துள்ளனர். மேலும், இவ்விவகாரம் குறித்து வருகிற ஜூன் மாதத்திற்குள் விவாதித்து தீர்வு காணப்படும் என்றும் அவர் தெரிவித்தார். சவூதி அரேபியாவில் இருந்து சொந்த நாட்டிற்கு திரும்புபவர்களுக்கு இழப்பீடு வழங்குவது குறித்து மத்திய அரசு அடுத்த வாரம் ஆலோசனை நடத்தும் என்றும் அவர் தெரிவித்தார்.
